Dy çmime. Të dyja në faqe.
Çmimi varet vetëm nga sa përdorues kyçen. Punëtorët në listën e pagave nuk kufizohen dhe nuk e ndryshojnë çmimin. Asnjë veçori nuk mbahet peng pas planit më të shtrenjtë, dhe asnjë çmim nuk vendoset në telefonatë.
Deri në 5 përdorues
10 €/muaj
Pesë llogari që kyçen në program.
- Deri në 5 llogari që kyçen
- Të gjitha veçoritë
- Punëtorë në listë: pa kufi
Mbi 5 përdorues
20 €/muaj
I njëjti program, më shumë llogari.
- 6 llogari e më shumë
- Të gjitha veçoritë — të njëjtat
- Punëtorë në listë: pa kufi
Faturohet mujor, me faturë bankare — pa kartelë krediti. Numërohen llogaritë aktive: nëse gjatë muajit shton llogarinë e gjashtë, muaji tjetër faturohet 20 €. Punëtorët në listën e pagave nuk numërohen.
Llogaritë
Një llogari, një person
Një llogari nuk shpërndahet nëpër dhjetë telefona: secili anëtar merr llogarinë e vet. Kjo nuk është kufizim shitjeje — është mbrojtje. Paga, numri personal dhe xhirollogaria e secilit punëtor nuk guxojnë të shihen nga një telefon i përbashkët që qëndron i kyçur në banak, dhe pa llogari të veçanta nuk dihet kush çka ndryshoi.
| Situata | Çka ndodh |
|---|---|
| Secili anëtar me llogarinë e vet | Kështu duhet. Sesioni ruhet në Keychain/Keystore, jo në shfletues. |
| I njëjti anëtar në telefon dhe në kompjuter | Në rregull — pajisjet e tij, një llogari. Nuk numërohet dy herë. |
| Një llogari e ndarë nëpër shumë telefona | Nuk ecën: kyçja e re e zhvendos të vjetrën. Shtoji llogari veç për secilin. |
| Telefoni humbet | Revoko sesionin e atij telefoni; të tjerat mbeten të kyçura. |
Premium
Kur programi duhet t'i përshtatet punës tënde
Dy planet e para janë produkt i gatshëm: regjistrohesh dhe punon. Premium është për dy raste ku kaq nuk mjafton.
Zyra kontabiliteti
Një llogari e vetme mban shumë kompani dhe ndërrohet me një klikim. Në secilën mban rolin kontabilist, pa i pasur nevojë kredencialet e klientit. Çmimi caktohet sipas numrit të kompanive.
Integrime dhe veçori të porositura
Nëse orët, prezenca ose të dhënat e tjera i mban një sistem tjetër, lidhja me të ndërtohet posaçërisht – që të mos futen dy herë me dorë. E njëjta vlen për një veçori që rrjedha e punës e kërkon dhe programi nuk e ka.
Çdo kërkesë shqyrtohet veç: shikohet a mundet, sa zgjat dhe sa kushton – para se të nisë puna. Nuk premtohet asnjë integrim pa e shikuar sistemin, sepse jo çdo sistem lejon marrjen e të dhënave.
Çka përfshihet
Veçoritë sipas planit
| Veçoria | Deri 5 përdorues | Mbi 5 | Premium |
|---|---|---|---|
| Paga: neto ↔ bruto sipas shkallëve të ATK-së | ✓ | ✓ | ✓ |
| Trusti 5 % + 5 %, punë primare dhe sekondare | ✓ | ✓ | ✓ |
| CSV për bankën dhe lista për ATK | ✓ | ✓ | ✓ |
| Fatura e furnitorit nga fotografia (OCR) | ✓ | ✓ | ✓ |
| Arka: sa kesh duhet tërhequr | ✓ | ✓ | ✓ |
| Barazimi bankar, CSV dhe PDF | ✓ | ✓ | ✓ |
| TVSH: pozicioni i periudhës me kredi të bartur | ✓ | ✓ | ✓ |
| Fatura për klientë, me reverse-charge | ✓ | ✓ | ✓ |
| Përdorues të shumtë me role (pronar, admin, kontabilist) | ✓ | ✓ | ✓ |
| Eksport i të dhënave në CSV | ✓ | ✓ | ✓ |
| Shumë kompani nën një llogari | — | — | ✓ |
| Integrime dhe veçori sipas kërkesës | — | — | ✓ |
Dy kolonat e para janë të njëjta me qëllim: asnjë veçori e punës së përditshme nuk mbahet peng pas çmimit më të lartë. Premium shton vetëm atë që i duhet një zyre që mban shumë kompani.
Pyetjet
Për çmimin
Si numërohen përdoruesit?
Numërohen llogaritë që mund të kyçen — pronari, administratorët, kontabilisti. Punëtorët në listën e pagave nuk numërohen: mund të mbash sa të duash pa e ndryshuar çmimin.
Si paguhet?
Me faturë mujore dhe transfer bankar. Nuk kërkohet kartelë krediti, dhe nuk ruhet asnjë e dhënë karteleje — sepse asnjë nuk merret.
Çka ndodh nëse ndalem?
Të dhënat i eksporton në CSV para se të ndalesh — pagat, faturat, shpenzimet dhe listën e ATK-së. Eksporti punon gjithmonë, edhe pa kërkuar.
A mund të lidhet me sistemin që përdorim veçse?
Shpesh po, dhe bëhet me planin Premium. Nëse orët ose prezenca i mban një sistem tjetër, lidhja ndërtohet posaçërisht që të dhënat të mos futen dy herë. Çdo rast shikohet veç: jo çdo sistem lejon marrjen e të dhënave, dhe kjo thuhet para se të nisë puna, e nuk zbulohet pastaj.
Jam kontabilist me shumë klientë — si funksionon?
Ky është plani Premium. Një llogari e vetme mban shumë kompani
dhe ndërrohet me një klikim; në secilën kompani mban rolin
kontabilist, pa i pasur nevojë kredencialet e klientit. Çmimi
caktohet sipas numrit të kompanive – shkruaj te [EMAIL].