Falas, pa regjistrim
Kalkulatori i pagës: neto në bruto dhe bruto në neto
Shkruaj pagën neto dhe merr brutonë, tatimin, kontributin pensional dhe sa i kushton paga kompanisë. Ose anasjelltas — nga bruto në neto. Të njëjtat formula që programi i dërgon në ATK dhe në bankë.
Primar është puna kryesore — një person e ka vetëm një, dhe vetëm ajo i merr shkallët 0 / 8 / 10 %. Sekondar është puna e dytë: e gjithë paga e tatueshme tatohet 10 %. Kush e vendos.
Rezultati është informativ. Deklarimi zyrtar bëhet në ATK; shifra përfundimtare varet nga rrethanat e punëtorit. Shih burimet zyrtare.
Çka do të thotë secili rresht
Rreshtat më poshtë vijnë në të njëjtin rend si në tabelën e rezultatit.
- Paga neto
- Ajo që punëtori merr në xhirollogari: paga e tatueshme minus tatimi.
- Kontributi pensional, punëtori (5 %)
- Zbritet nga brutoja para tatimit dhe shkon në Trustin e Kursimeve Pensionale në emër të punëtorit. Si funksionon 5 + 5 %.
- Paga e tatueshme
- Bruto minus kontributi 5 % i punëtorit. Shkallët 0 / 8 / 10 % zbatohen mbi këtë numër, e nuk mbi brutonë — ky është gabimi më i shpeshtë. Pse ndryshon.
- Tatimi gjithsej
- Suma e pjesëve: 0 % për pjesën e parë, 8 % për të dytën, 10 % për atë që mbetet. Kalkulatori e tregon secilën pjesë veç. Shkallët.
- Paga bruto
- Paga e kontratës, para kontributit dhe tatimit. Baza mbi të cilën llogaritet kontributi.
- Kontributi pensional, punëdhënësi (5 %)
- Nuk zbritet nga paga e punëtorit — e paguan kompania mbi brutonë, përveç pagës.
- Kosto totale për kompaninë
- Bruto plus kontributi 5 % i punëdhënësit. Shifra që e prek buxhetin. Sa kushton një punëtor.
Për shembuj me shpjegime, lexo udhëzuesin për llogaritjen e pagës neto në bruto ose llogaritjen e pagës bruto në neto. Të dy ndjekin të njëjtat formula si kalkulatori.
Rregullat
Si llogaritet tatimi në pagë
Tatimi në pagë në Kosovë është progresiv me shkallë: nuk tatohet i gjithë paga me një përqindje, por secila pjesë e saj me shkallën e vet. Prandaj një pagë 500 € nuk tatohet 10 % — vetëm pjesa mbi 450 € tatohet 10 %.
| Pjesa e pagës së tatueshme | Shkalla |
|---|---|
| 0 – 250,00 € | 0 % |
| 250,01 – 450,00 € | 8 % |
| mbi 450,01 € | 10 % |
Për punësimin sekondar — kur punëtori ka një punë kryesore tjetër — shkallët lehtësuese nuk zbatohen: e gjithë paga e tatueshme tatohet 10 %.
Kontributi pensional
Mbi pagën bruto paguhet 5 % nga punëtori dhe 5 % nga punëdhënësi, gjithsej 10 %, që shkojnë në Trustin e Kursimeve Pensionale të Kosovës. Kontributi i punëtorit zbritet para tatimit, prandaj paga e tatueshme është bruto minus 5 %.
Rendi i llogaritjes, nga bruto në neto
- Bruto × 5 % = kontributi i punëtorit.
- Bruto − kontributi = paga e tatueshme.
- Paga e tatueshme ndahet në shkallët 0 / 8 / 10 % dhe jep tatimin.
- Paga e tatueshme − tatimi = neto, ajo që merr punëtori.
- Bruto + 5 % i punëdhënësit = kosto totale për kompaninë.
Burimet
Burimet zyrtare
Numrat e kësaj faqeje ndjekin legjislacionin në fuqi. Teksti zyrtar është autoritativ — nëse ndryshon, ai vlen, e nuk kjo faqe.
- Administrata Tatimore e Kosovës (ATK) — institucioni që administron tatimin në paga dhe pranon deklarimin. Shih edhe legjislacionin.
- Ligji Nr. 05/L-028 për Tatimin në të Ardhurat Personale, i shpallur në Gazetën Zyrtare Nr. 22, 14 gusht 2015 — teksti (PDF, ATK).
- Shkallët aktuale 0 / 8 / 10 % dhe kufijtë 250 € / 450 € vijnë nga Ligji Nr. 08/L-142 (23 gusht 2024), që ndryshoi ligjin e mësipërm — shih njoftimin e ATK-së.
- Trusti i Kursimeve Pensionale të Kosovës — kontributi pensional 5 % + 5 %.
- Gazeta Zyrtare e Republikës së Kosovës — tekstet zyrtare të ligjeve.
Pyetje
Pyetje të shpeshta
Pse paga 500 € nuk tatohet 10 %?
Sepse shkallët zbatohen pjesë-pjesë. Nga paga e tatueshme, pjesa e parë deri 250 € tatohet 0 %, pjesa tjetër deri 450 € tatohet 8 %, dhe vetëm ç'ka mbetet mbi 450 € tatohet 10 %.
Punëtori ka dy punë. Çka ndryshon?
Puna e dytë quhet sekondare dhe nuk i merr shkallët lehtësuese: e gjithë paga e tatueshme tatohet 10 %. Zgjidhe "Sekondar" në kalkulator.
Kush e vendos a është puna primare apo sekondare?
Punëtori. Ai e deklaron te punëdhënësi se kjo punë është sekondare, sepse shkallët lehtësuese ekzistojnë një herë për një person — e nuk një herë për çdo punëdhënës. Nëse një punë e dytë deklarohet gabimisht si primare, tatimi i ndalur del më i vogël sa duhet, dhe diferenca mbetet detyrim. Lexo më shumë.
A hyjnë bonusi dhe orët shtesë në pagën e tatueshme?
Po. Bonusi dhe orët plus i shtohen pagës së muajit para se ajo të kthehet në bruto, prandaj hyjnë në pagën e tatueshme dhe mund ta shtyjnë një pjesë të pagës në shkallën e radhës. Nëse i shtohen brutos pas llogaritjes, tatimi del mbi bazë të gabuar. Në kalkulator shkruaje shumën totale të muajit, bonusin e përfshirë. Rendi i llogaritjes.
A i llogarit programi vetë të gjithë punëtorët?
Po. Kjo faqe llogarit një pagë; programi e bën listën e tërë, nxjerr fajllin për bankën dhe atë për deklarim në ATK. Shih si funksionon.
A ruhen numrat që shkruaj këtu?
Nuk ruhen. Kalkulatori dërgon vetëm shumën për t'u llogaritur dhe nuk shkruan asgjë në databazë — kjo faqe nuk kërkon llogari, dhe nuk ka gjurmues.
Të gjithë punëtorët, brenda një pasditeje
Kalkulatori bën një pagë. Programi bën listën e pagave, faturat, arkën dhe barazimin bankar — 10 €/muaj për deri në 5 përdorues.